Kokrajhar district nung ganja seret 258 apu

Kokrajhar, March 01 (Agencies): Mongolbarnü Assam, Kokrajhar district, Karigaon, National Highway 31 nung Air Force mapa nung senzüba gari ka nung ‘ganja’ bener lia puogo.
Khu abenba gari NL 01 L 1970 Air Force Station, Upper Shillong, Meghalaya nung Air Force station, New Delhi-i Air Marshal 11R Nambiar’er ki osettem bener oyaa alidang Karigaon district Kokrajhar nung idakji aliba police-i apu.
Osang tejangja ka angazükba sülen onoki ladanga bushisüngdangba mapang nung ‘ganja’ talep 19 apu, ta iba osang jangjashija Kokrajhar Superintendent of Police Rajen Singh-i ashi. Iba bushisüngdangba Magistrate aser Air Force nungi ketdangser ana dena lia agi, ta Singh-isa ashi.
Gangja touzük seret 258 liasü, aser shishilembadak iba tenokdangba oset lakh aika jenjang asütsü. Iba dak sendakba nung gari anisang Anil Kumar aser Air force nung inyaker ka ta pua lir. Gari handyman mepushi jendaktsüogo. Iba bushisüngdangba kanga kümdanga agi, kechiyong iba nung tongtibang Air Force ketdangser densema liasü, ta Singh-i shisem. Tesem aisü nungi iba ken o nung Air Force ketdangsertem densema ali asü maliar bushisüngdangdar, ta police nung ketdangser kati ashi.