Kolkata nung arishi küm 5 ka dengue agi süogo

Kolkata, September 24 (Agencies): Bodhbar aonung Kolkata nung arishi küm 5 ka dengue agi asüba zünga West Bengal nung iba tashidak agi tang tashi nung nisung anabuba asür asütsü, ta ketdangsertemi metetdaktsüogo.
Iba tanur ya temang kanga ronga B.C. Roy Hospital-i Hombar nü anir arua liasü.
“West Bengal nung iba tashidak agi nisung 900 dak tonga lir. Item rongnung nisung 300 bo Kolkata telungtet nungi lir,” ta Principal Secretary, Health & Family Welfare, Malay Kumar De-i ashi.
Kolkata Municipal Corporation-i iba tensa azüoktsü asoshi kanga meranga inyakdar, ta De-isa ashi.