Kolkata nung Naturally Nagaland sentong tenzük

Dimapur, Tsüklai/Feb. 26 (TYO): State nungi adokba teka mapa, fine arts, ola-angla aser organic chiyongtsütem ajungkettsü mechi Government of Nagaland ajanga Nagaland Emporium, Kolkata nung February 26, 2020 nü Naturally Nagaland lapoktsüogo, koba Principal Secretary of Industries and Commerce Department, Government of Nagaland, Lithrongla G Chishi ajanga semzüktsü.
Iba tesem ya Nagaland Bamboo Development Agency, (NBDA), Nagaland Bee Keeping and Honey Mission (NBHM), Nagaland Bio-resource Mission (NBM), Women Resource Development kübok Myki, Development of Under Developed Areas temi Government of Nagaland kübok PSU ka, Nagaland Handloom and Handicrafts Development Corporation den ka küma lungjemer amenokba lir.
Naturally Nagaland nungya sate nung adokba osettsüset aser chiyongtsütem ayoktsü, kong entrepreneurs temi pai sasa ajangtetba osettsüset tem department ajanga ayoktsü inoktsütettsü, ta Lithrongla Chishi-i ashi.
Iba anogomong nüngtem nung Principal Secretary den NBDA Mission Director, Imtirenla Jamir, DRC Kolkata Renbeni Ngullie, Team Leaders NBHM Khüzovoyi Vese, Managing Director NHHDC Zakabo V Rotokha nungertemi Nagaland Emporium Kolkata telongzük nung tebour tajung süngküm metsü tema liasü.
Iba tesem meshitetja NCF Kolkata nung pastor Hetovi Ayemi aser Associate Pastor Noklem Konyak nati sarasadem. Nagaland Emporium Kolkata ya Kharu Design Nagaland ajanga yanglushia liasü.