Koma süla

~Meyisongla, Rtd. Dy Director, Nursing, kohima.  

Q. Tanurtemi aluyimbaren angazüktsü asoshi kibong shiai tsüklu tilala ayim nunga koma süla?

Govt-i yimtsüng shia schooltem lapokja lir. yangji qualified teachertem beria ita sen talang aguja school tanurtem sayutsü yutsü. Tesayur tetenzü parnokiang tanurtem school nong sayutsüba masü saka tangartema sayutsüla.
Saka ano Govt – School – tem reprangtsü ayuba Village Education Committee tem a shima ayur . Süra itemjibo above school teachertem asütsüla ta belemer.
Süra mezüngbo kechiba ayu aser tangbo mayu nonga koma ta asüngdanger. Angatettsü agi Village Education Committee membertemi parnok teinyaktsü tem meinyaker ama angateter. Angashiba agi yimtsüng kar nongbo Govti school improvement atema teyari agutsüba senji tesayurtemi memetete agizüka achiba otsü lir. Itemla board membertemjubo mayuang tajongba asütsü südi ta shidanger.
Ni yangi school ka managing Boardtemi inyakba indang shinür.
Ni ya Lower Chandmari kiyong, Kohima , nong alir, ozü kiyonger Lower Chandmari Ward nong 26th November 2004, Lower Chandmari Panchayat member 5, shimteta iba office tenzüka ao.
Iba nong Mr. Tongphimo Lotha – Chairman, Mr. John Kath member Secretary , aser tangar asem Mr. Subong Ao , Gen Secretary.
Mr. Zapunyer Metha Treasurer.
Mr. Tepulel Angami Advisor.
Parnoki mapa kanga meranga inyaka temelenshi jenti bener aru. Item rong nong kaji, Govt. primary School ka lapok.
Iba kiyong tatempang ien sensakertem chirtem tsünglu arudang Raincoat aser anüshi apanger aotsü makertem aika school mezungi anenba reprangteta item tanurtem züngdaktsütsü mechi L.P School ka lapoktsü nüngdaka alidang iba kiyong sector wise – cleanliness nong first prize kum asem pezü anguba, tsüngrem nem tenüngsang aguja party ka alidang, D.C Kohima Chief guest jaok, aser school lapoktsü nükji dongji pa dang ashi. kiyongertemi tongtipang mapa tajong aika inyakba ngua W. Honji Konyak Deputy Commissioner Kohima Nagaland, pa tujare ajanga Govt. Lower Primary School ka 2010 kum, student 20 agi tenzük tang ya student 120 shi lir. (poor families school)Tangbo class 8 High School tashi upgraded süogo. Akok tashi B.A, aser M.A tashi upgrade asutsü nukjidong lir. Tang qualified teachers 14 tashi lir.
Tanü tashi choukidar aser peon post magatsür lir. Anungji Secretary John Kathi – pa pocket nongi kum 4, sen terara aguja aru, küm ana John Kath aser Dobashi Hoshito tenati agutsü. Tangbo, Honnorrariu schooli terara agutsür.
Mapa tali akumba agi School Education Committeeji parnoki kümogo . Takumi kum 15 ajongtsa, memelener.
Infrastructure / construction aser Govt – den correspondence ajak Committee member temi dang inyaker.
School asütsü ali, mapang talangka bushiaka mangu. Saka kiyong nong H.K Rengma IGP tulur aser takar kati aliji angati aguja yangji school ki takdang 8, chukka tilaka aser pet latrin ka – asü. Half wall eta, cemented floor aser kilemji merang tanga asü. Ibai kiyonger saru aser donation agi asü. Tesülen Govt-i grand-in-aid sen agutsü. Aji agi line ki ka dang sütettsü. Saka ali angutsü asakba agi, taker dang sentem milie apuzüker RCC dalai süa kiji upstairs,downster Room 8*2=16 Rooms, plus septec tank latiren kitchen, Dinning Hall, Common Room ta le school keji tuluka süa lir. “OCHISHIR MOLUNG SENTSÜ AGI YAMAJI NUBURTEM ATEMA” pei takem, rongsen, shisatsü agi tenlar.
Parnok temzüng.
1. No proxy teachers.
2. Dedicated, deputed, sincere tesayur dang iba school nong agizuktsü ta renem.
3. Irregular teacherbo transfer yoker.
4. Tesayur tem ajaki tanur shia tia angatteta aser meima sayutsüla ta renem.
5. Committee membertem aser tesayurtem, nüngdakba kibongibo tsüngdong oa ajuruteba school tanur atema jembeteper.
6. School resultji kanga tongtipang. Subjectwise check asür. Meranga sayutsü ajongshir.
N.B : chairman aser Mr. John Kath Rengma ya Sishunu yemir lir. Kohima nongi 64 k.m pilar alir. Par yimeri pa Village Council Chairman aser VDB Secretary shimmer joko kum 20 ajunger pai sodi meshiaka pa nem sodi magutsür. Par yimji tesüngmangtsü ka temerak aser Real Green Village par yim lir. Tebur tajong Naro aser Süngdongjagi yimtsüng merah aketer, tebur jungdaktsür. Mopung aser tzütemerak. Development mapaji sashi sashia oa lir. Lemangji first class Govt building temji kanga tajong.
Item ama Village Education committeejibo mali nong nübertem kanga akoksatsü. Saka shirnok dak Development aser all round mapa inyaktsü nükjidon mali, saka Development atema aruba sen achitsü Nukjidong alirbo Committeeji mayuang tajongba süla. VDB aser Village Council Chairmanji chair ka nong angakdaka mener kazütsü mapa masü saka kanga Heavy Responsibilities for all round Development.