Kong Shisatsü Mali

Yob 11:12 Anungji kodangang arem gado chanu nisung ka sodir tamachi nisungi shisatsü angutsü.
Yob 28:12-14, 20-22 Saka tashi temetet kong angutsü aser tangatetba alidak kong ali? Tarokdaki ashir, “Aji kü dak mali” aser tzüyimi ashir, “Aji kü den mali.” Ajangla kong nungi tashi temetet arur? Aser tangatetba alidakji kong ali? Kechiyong akümlir ajak nük nungi aji miima lir aser anüng ozütem dang nungi miima yua lir. Abaddon aser Tasübai ashi, “Onok tenarongi iba indang ululu ka angashiogo.”
Yob 32:9 Shiba shisa aka pa tulu akümtsü menüngdak mesüra tambur shibai ochiba angatetter (Amplified Bible).
Sayu. 1:16,17 Ni kü mulung dang yamai ashi, “Ajiang, kü dang tama Yirusalem alir ajak dang alaka ni shisatsü tulu nguogo; au, kü koloki Tashitemetet aser tenangzükba tulu ajangshia aruogo. Aser ni tashi temetet aser yiaba aser tamachi metettsü ni temulung agütsütsü, aser ni ajitetter oda ibaia amajok aser mopung anema merangba dang.
Sayu. 7:23, 24 Item ajaki ni shisa taka agi temdang: ni ashi, “Ni shisa taka asütsü; saka aji ni nungi talangka liasü.” Kechi lir aji talang nung lir aser kanga dang tarok; shibai aji bushitettsü.
O Kibuba Tsüngrem, Ne O nung shisatsü tarok bushitettsü Ne tanelai kü dang sayuang. Amen.