Konica Minolta-i India nung business printer tasen kar sayaogo

New Delhi, April 22 (Agencies) : Japan technology company Konica Minolta-i parnoki yangluteta aliba oset aika den densema ano Hokolbarnü parnoki yanglutetba colour aser monochrome business printer kar India nung sayaogo.
Item printer tem ya business mapa tila aser tulu inyaker ajak asoshi kanga dang nüngdaka aliba printer tem lir.
Tan yanglutetba printer tasen tem ya ayutsü tesem kanga tulu menüngdaker aser benlenshia ajungshitsü asoshia kanga tepongba lir.
Item printer nung temeyong agi anemba mesüra wireless, mobile aser cloud computing ajanga tesem mashi nungi print sütettsü.
Multi-functional Products (MFP) tasenba ajanga item printer tasen model ajak nung print, copy, scan aser fax mapa ajak inyaktettsü.
“Alima business tsütsü kanga toktepba mapang ka nung, MFP aser tan adokba printer tasentem yagi aibelen mesüi mapa tapu ajak kanga nendaka inyaktsütettsü,” ta Konica Minolta managing director Yuji Nakata-i sangdong ka ajanga metetdaktsü.
Item printer tem nung company meyong “INFO-Palette” multi-touch inyakyim keta lir aser ibaji ajanga power kanga ajema agir saka mapabo tulu inyaktsüteter.
Konica Minolta-isa bizhub PRO 1100 monochrome production printer-a sayaogo. Iba printer nung timba agi shiti 9,000 tashi inokteter.
MFP yangluba oset noklang nung shilem 51-bo ‘recycled’ osettem agi yangluba lir, ta company-i metetdaktsüogo.