Korea Masters: Kashyap quarter-i iogo

Jeju, December 08 (Agencies): India nunger badminton asayar mongin, Parupalli Kashyap-i par asaya koka, tang Korea kübok Jeju nung tasayadak Korea Masters Grand Prix Gold badminton asayamong tebur singles quarterfinal asayatsü jenjang tanü, Brehostibar nü ajangzükogo.

Arishi küm 30 tain, Kashyap-i tanü minute 45 nung points 21-11 13-21 21-8 ngua, China nunger Zhou Zeqi tsükdaktsü.

Hyderabad nunger Kashyap-i par taruba asaya Korea nunger Jeon Hyeok den asayatsü lemzükogo.

Tan asayamong nung 6 buba jenjang abensang, Jeon-ia points 22-20, 21-16 agi Japan nunger Hashiru Shimono madak takok ngua, quarterfinal asayatsü jenjang ngua liasü.