Korea Open: Ajay Jayaram quarterfinal-i iogo

Seoul, September 17 (Agencies): India nunger badminton asayar, Ajay Jayaram-i Hong Kong nunger Wong Wing Ki Vincent madak takok ngua tang tasayadak Korea Open tebur singles shilem indang quarterfinal asayatsü jenjang tanü Brehostibar nü nguogo.
Jayaram-i tanü minute 53 nung points 17-21, 21-15, 21-15 ngua Vincent tsükdaktsüba sülen quarterfinal nung shilem agitsü jenjangji angu.
Jayaram-i Japan nunger Sho Sasaki aser Indonesia nunger Christie Jonatan na rong nung takok angur den quarterfinal nung ajuruteptsü.
Ajisüaka, taoba mapang World Championship bronze medal 2 tashi agizükla, PV Sindhu-i tanü tamakok ajuruogo.
Japan tsür Sayaka Takahashi-i tanü minute 32 nung points 21-16, 21-13 ngua arishi küm 20 tain Sindhu tetsür singles shilem indang 2 buba round nung tsükdaktsü.

You must be logged in to post a comment Login