Korea Open: Parupalli Kashyap quarter-i iogo

Incheon, Rongjui/September 26 (Agencies): Korea Open kija asaya nung India nunger rongnungi Parupalli Kashyap kija anunga lir aser pai Brehostibarnü Malaysia nunger Daren Liew koka quarter-finals-i iogo.
Tanabuba round asaya nung Kashyap-i 21-17 11-21 21-12 agi Malaysia nunger asayar madak takok ngua liasü.
Arishi küm 33 tain asayar ya quarter final nung Denmark nunger asayar Jan O Jorgensen mesera Indonesia nunger asayar Anthony Sinisuka Ginting den asayatsü.
Kashyap-i taoba round nung 21-16, 21-16 agi Chinese Taipei nunger asayar Lu Chia Hung madak takok ngua liasü.
Bodhbarnü PV Sindhu mezüngbuba round nung tamakok angu aser kasa mapang nung Saina Nehwal yirur masayatettsüsa aküm. Tebur kija asaya nunga B Sai Praneeth tsükadok.
Sindhu-i mezüngbuba game ayong ayonga akok saka American tsür Beiwen Zhang-i tanungba game ana kanga junga asayaa 21-7, 22-24, 15-21 agi asaya akok.
Kasa mapang nung London Olympic bronze medallist Saina-i 21-19, 18-21 aser 1-8 agi South Korea tsür Kim Ga Eun mekoki aliba mapang yirur masayatettsüsa aküm.
Tebur kija asaya nung Praneeth-a Denmark nunger asayar Anders Antonsen den asayaba mapang temang nung timtem adokba ajanga masayatettsüsa aküm. Iba asaya pai 9-21, 7-11 agi mekoki liasü.
Maneni tarep asaya nunga Manu Attri, B Sumeeth Reddy aser Satwiksairaj Rankireddy, Chirag Shetty nunger ajak tsükogo.
Attri aser Reddy na 21-16, 19-21, 21-18 agi China nunger tarep Huang Kaixiang aser Liu Cheng nati tsükdaktsü aser Satwiksairaj o Chirag na 21-19, 18-21, 21-18 agi Japan nunger tarep Takeshi Kamura aser Keigo Sonoda nati tsükdaktsüogo.