Korea Open: PV Sindhu 3 buba round-i iogo

Seoul, September 16 (Agencies): India’er tetsür badminton asayar, PV Sindhu-i Thailand tsür, Ratchanok Intanon madak tanü Bodbar nü takok ngua tang tasayadak Korea Super Series badminton asayamong nung shilem agitsü tenzükogo.
Taoba mapang nung World Championship bronze medal 2 tashi agizükla, Sindhu-i tanü ghonda 1 ser minute 9 nung points 21-19 21-23 21-13 ngua Intanon tetsür singles shilem indang 1 buba round asaya nung tsükdaktsü.
Sindhu-i lar tanabuba round asaya Japan tsür, Sayaka Takahashi den asayatsü lemzükogo.
Tebur singles shilem nunga India nunger Ajay Jayaram-i tan asayamong nung 6 buba jenjang abensang, Denmark nunger Viktor Axelsen 1 buba round asaya nung tsükdaktsü.
World No. 30 Jayaram-i tanü minute 29 nung points 21-15 21-15 ngua Axelsen madak takok anguba sülen Hong Kong nunger Wong Wing Ki Vincent den 2 buba round asayatsü jenjang nguogo.
Ajisüaka, Commonwealth Games champion, Parupalli Kashyap-i tanü tebur singles shilem indang 1 buba round nung tamakok ajuruogo.
Hong Kong nunger Wei Nan-i tanü ghonda ka shi asayar külen points 17-21, 21-16, 21-18 ngua Kashyap madak takok angu.