Korea tsürtemi Table Tennis nung Bronze angu

Halmstad, Monupii 05 (Agencies): Sweden nung aliba Halmstad Arena nung Rogonü (Friday) World Team Table Tennis Championships asayaba mapang South aser North Korea teloktep tetsür temi bronze medal angu.
Semifinal nung South Korea aser North Korea temeyoktep telok ya Japan-i 3-0 agi tsükdaktsü. Iba asayamung nung asembuba jenjang mali aser China aser Hong Kong tsüngta semi-final asayaba nung tamakok angurtem den bronze medal ya lemsateptsü, ta osang ka ajanga ashi.
Iba asayamung team asaya nung best-of-five yimya nung kija asaya pongu lir aser mezüng asaya asem akokertem ya winner akümer.
1991 küm Chiba, Japan nung world championship asayaba mapang Korea ana tetsürtem telok ya South Korea nunger Olympic champion, Hyun Jung-hwa aser North Korea nunger Li Bun-hui nati anir oa asayar China nunger madak gold metal anguba süen tang mezüngbuba linük ana ya lokteper asayar.
Korea nunger team ya Sweden nung Yangtepnü (Thursday) ang ajurutep aser International Table Tennis Federation (ITTF) temoatsü nung semi-final-i team ka ama atu.
Linük anaprongi South Korea nunger asayar pongu aser North Korea nunger asayar pezü ya semi-final nung asayadaktsütsü mulung. South Korea nungi parnokji Jeon Ji-hee, Kim Ji-ho, Suh Hyo-won, Yang Ha-eun, Yoo Eun-chong aser North Korea nungi Cha Hyo-sim, Choe Hyon-hwa, Kim Nam-hae aser Kim Song-I nungertem liasü.
Semi-final nung nisung asem-i dang asayar, anungji parnoki Yang (world No. 27), Jeon (No. 35) aser Kim (No. 49) nungertem asayadaktsü.
Saka parnok ya Japan nunger Kasumi Ishikawa (world No. 3), Miu Hirano (No. 6) aser Mima Ito (No. 7) nungertemi akok.