Korean Yonsei university counselor-i SCERT Nagaland semdang

Kohima, Aenjeti/January 23 (Agencies): South Korean Yonsei University Counsellor Professor Esther Suk-Yeon Jang-i Bodhbarnü SCERT Nagaland Kohima semdangogo.
Counsellors aser SCERT officers tem den sensaksemba mapang Professor Esther, shiba Global Diaspora Multi-Cultural Coaching Network, South Korea Executive Director lir lai Counselling profession jenjang ajungkettsü asoshi Counselling profession, licensing nüngdakba lemsatep. Laisa, ethical ken o frame asütsü asoshi counseling professional loktitentet ka nüngdakba aser training agia counselling profession atema licensing system benoktsü ayongzük. Iba inyakyim asoshi senotsü aika indoktsü akok saka professionalism nüngtem nung sen indoktsü dalang, ta ashi. Laisa, SCERT nung Counsellors tem dang counselling supervision aser counselling Licensing system ajungkettsü ajungshi ajita asünung dang Nagaland ya India nung Counselling profession atema licensing system benoka inyakba mezüngbuba state akümtsü, ta ashi.
Esther-isa, Department dang MoU ka sign süa Yonsei University South Korea den longjemtsü shidang.
Korea nungi tesemdanger pelashishia agizükba mpang Nagaland SCERT director T. Sekhose-i, Prof. Esther dang pelaba lemsatep aser SCERT-i School Counselling Psychology nung tang Diploma course agüja aliba ajungkettsü atema teyari agütsütsü mepeshi.
Sekhose-isa, lanur aser kaketshirtem mental aser emotional tenüngdakba peridaktsütsü asoshi Counselling nüngdakba lemsatep.
Kasa mapang nung Associate Professor SCERT Nagaland Thungchibemo-ia, National Council for Teacher Education (NCTE), New Delhi-i Counselling training jenjang asadangtsü nüngdaker ta ashi.
Maneni Dr. Zavise Rume, Associate Professor SCERT Nagaland-i, Professor Esther ajanga SCERT aser Yonsei University na longjemer Nagaland nungi tenzüka India nung Counselling professionalism ajungkettsü nüngdakba lemsatepba den Professor Esther dang Nagaland nung School Counselling ajungkettsü atema SCERT len anitsü asoshi mepeshia liasü, ta ketdangser sangdong ka ajanga metetdaktsü.