Koshy-i Batra melenzüka, HI Tir tasenba akümer

New Delhi, November 25 (Agencies): Mariamma Koshy-i Narinder Dhruv Batra melenzüka, Hocky India (HI) Tir tasenba akümba osang ka HI-i tanü, Hokolbar nü sangoktsüogo.
Batra tawa alima ajunga nung hockey asayatsüren ketdang asür tematiba tentet, International Hockey Federation (FIH) Tir tasenba küma, FIH lenisütsü menden abentsü temeten angur Europe nunger masür mezüngbuba lenir aküm aser iba yongji, pai HI Tir menden toktsütsüsa aküm.
Batra-i 2010-2014 tashi HI Secretary General aser 2014 küm nungi tenzüka, tanü tashi HI Tir menden bena, HI telok lenia aru.
Pa Tir shimba sülen Koshy lenisüba kübok 41 buba HI Executive Board senden tanü amenba osanga angzükogo.
Ano, HI Secretary General, Mohd. Mushtaque Ahmad-i HI League Governing Board mendenbuba menden benokba osang ka HI-isa metetdakja liasü.
Batra-i tan November ita tetenzüklen FIH Tir akümtsü temeten ngua, 15 buba FIH Tir akümba den iba menden abentsü jenjang angur 1 buba India senso aküm.