Kotak asoshi asüngdangba

Kodang asenoki sarasadema ashir “Kotak nung koda lir alima nung aji oda ne mulung süang” Luke 11: 2.
Kodang “Kü mulung ta shidir” paradise samar. Nisüngi mulungba kodang Tsüngremi mulungba den tsüktepdir timtem adoker.
Kari ashir, “Alimaji ken atenba kongki ka mesük, kentener shiai pai mulungba ken atentsü. Tanishiri ashiba mangai pei sünütsü dang süa tenra, idakji ola alitsü saka kenbo madoktsü. Ken adokdaktsünera ken teneri tesayuri aniba nung anidaktsüla.
Kodang Yisui asenok, ‘Ne mulung süang’ ta sarasademtsü sayu, Pai senti rongsen ajak agutsütsü mesüra endoktsü masüngdanger. Saka aseni asen alidak kinükji koda sangwatsütet iba indang asüngdanger. “Ne mulung süang” ta sarasademba tetezü, Kotak asoshi asüngdangba. Ibai Tsüngrem dang meputepi aliba ajak putepa lidakjang ta asüngdangba lir. Alima ola nung temulung magütsüi, Tsüngrem ola nung temulung agütsüdakjang ta mepishiba. “Kotak nung koda lir alima nung aji oda nü mulung süang”. Kotakji tepela angudak kechiaser idakji Tsüngremi mulungba teti inyaker. Idakji Tsüngremi anishir aser Kotaker telok ajungai Pai anishiba ama atener.