Kotak nungi sempet tajungtiba angurtemji kentenertem: Bachchan

October 05, 2015: Bolltwood nung superstar, Amitabh Bachchan-i “Rang Baarse” aser “Piddly” densema ken tanep aika tenogo, aser pa sempet rongnung kentenba sempet ya tajungtiba, aser iba ya ajanga Tsüngrem dangi tali anasaba aor ta bilemer.

Kentenertem nem tenüngsang agüja arishi küm 72 tain Bachchan-i, kentenertemi kanga moa-ogo ta ashi.

TV show tasen ka atema mazüngi ken mejemsang aser atensang Bachchan-i, “Ken ote zülutsü aser olasü balaka mejemtsü sempet alirtemji kanga temoatsüba,” ta ashi.

“Kentenertemji kotak nungi tematiba sempet,” ta pai ashi.

“Parnok ayip-janga mejangtsüla aser temulung süa alitsüla,” ta paisa shisem.