Kotak Senso

~ S. Panger.

Efesia 2: 19 nung kotak senso Yisu dak amanger asoshi kotak lenmang lapoka lir, kotak senso kümra na tekümtet kar, joko na temeshipur lir, kümzükba pur lir, Yisu Khrista dak amangertem tia kanga tajung lir, kechiaser na kotak senso nung züngsemogo.
Saka tia maka! Yisu dak mamangertem itemi lir: – Muslim, Hindus, Chines Folk, Sikhs, Jews, Budhist, parnok ya kotak senso nung maden. Yhn 10:1-2 Yisui ashi, ni San kikümbang, ni majangi kotaki aotsü meranger ajak auer aser ashir.
T.Mapa 4: 12 Yisui ashi, anüng kübok tekümtet abenba tenüng tangar shinga mali , Christianity dak alaka ajakji tai lenmang tesama lenmang lir. Anungji kotak senso lenmang tekümtet lenmangji yamai bushidi;
1. T. Mapa 2: 38….kotak senso akümtsü asoshi temenen nangzükang, temulung meyipang, tzü nung tzüsenang, süra na kümzüktsü.
2. Rom 10: 9-10. Nai ne tebang agi Yisu Khrista Kibuba lir ta shira aser Tsüngremi Yisu khrista tasü nungi shia arudaktsü ta amangra na kümzüktsü, tebang agi nangzüktsü aser temulung agi amangtsü aji teperi lir.
3. Yhn 1:12 kwikati Yisu agizük, oda shirisa Pa tenüng nung amang, parnok nem Tsüngrem chirtem akümtsü ain agütsü. Yisu agizükdang nai ain nguogo ta amangang. Kotak sensopur na kümogo. Temeshipur tamang agi alir ta Rom 1:17 nung ashir.
4. Efesia 1:13…Nai Yisu osang tajung angashi nung, aser amang nung Tanela Temeshi agi ne dak temaitsü ajenloktsüogo (sealed). Kotak gate passed na agiogo, kotak yimsopur nung na denogo.
5. Yhn 3:16…Tsüngremi alima oda meim nung Pa chir Yisu alimai yok shirisa Yisu dak amangdir mesamatsü saka teti taküm angutsü, ya asangsang o lir. Na temoatsüba Khristianpur lir, praise the Lord.
6. Efesia 2:8 Taochi agi tamang ajanga na kümzükogo, aji pei sasa masü, mapa agi masü, saka Tsüngrem angati sempet lir, kotak sensopur koda tia taka lir.
7. Gal. 3:26. Yisu dak amangba ajanga Tanüla Temeshi asen temulungjangi yok, na Tsüngrem chir aküm, yagi Aba Oba ta ayimdener. Yisui na shimtetogo, na tabensa kümogo ta amangang.
8. Rom 5: 19. Nisung kati (Adam) tai mena, temenen pur aküm, aji oda Yisui nisung tashi angaba agi nisung aika temeshipur aküm, kotak senso aküm. Rom 5: 14 Adam-i temenen menaba amah, shirnoki temenen memena, saka Adam nungi Mosa tashi tasübai yimsü asü, yamaji mesüka Yisu Khristai tashi angaba agi aika amanger ajak asoshi taochi moshia aküm.
9. Yhn. 3:14-15 Yisu Kangki nung metaba, asü, arem aser shia aru, tamang ajanga tashi angaba agi angati meimchirtem kotak sensopur taküm, tekümtet angu, Mosai arem nung per ka yongpen in agi yanglu, azüklen ajaki angutsüsa meta alenloka doktsü. Pei temenen agi per agi mechir aika asü; saka shibaisa amanga tashi anga perji repranga kümzük. Aki tejen Mosa putu nung per miim agi asürtem (pei menen yong) tasüba nungi kümzüktsü Tsüngremi Mosa ajanga mapa medeni tashi angaba, aser iba sentong nung amangba yong Isreal nübur kümzük. 1 Kor 3:15 nisung kar tenzükba mi agi rongdoktsü, saka pabo mipong nungi kümzüktsü, kechiyong tekümtetji Tsüngrem angati sempet lir. Ratamata teli, na shitak kotaki aotsü ta Lai o-i sayuba ama na kümzüka lir amangang Yisui na meimer.