Kotak sentsüwangshi atadar

“Kibuba matsüngdang pa temeshipur asüba senti lir” – T.Ken 116:15
D.Martyn Lloyd Jones, pa ya sayutsüngir ka liasü, pa taküm tatemlen kati arua shirangba yipden nung alidang, pai yamai ashi, ni shirang ajungtsü atema joko sarasadem tesütsü ta pai paper tila ka nung yamai zülu, “Sentsüwangshi asoshi ni sota teyu” taküm ya senti asünung, aseni meima aliba takümtem alima nungi pilaa kotaki aotsü mapang bener arutsü dang, asenoki parnok salaa yoktsü tasak lir, Aji saka Tsüngremi pa kidangi ajaba sentong nung, pai mapang ka atakzükja lir. T.Ken 116:15 nung yamai ashir, “Kibuba matsüngdang pa temeshipur asüba senti lir”.
Kodang Pauli pa asütsü anasa lir ta angu, kotak nung pa atema kechi yuja lir iba jagi pa kanga ajungmeso. “Tang nungi ni asoshi temeshiba korang, koba Kibuba ochi O bendangbai kü nem dang masü, saka shiri pa jungkai adokba dakji meimer, parnok nemjia agütsütsü” (2 Tim 4:8).
Filipi 1:23 nung yamai ashir, “Khristan ka taküm lenmang nung kong lidir liaka, parnok tatembang alizüngjibo Khrista den alitsü, koba ajak dang tajungtibaji lir”
Sarasadem : Kotak sentsüwangshi atadar, Tsüngrem shir dak shirnokisa amanger, Kodang asenoki kotakerji ngudir, Ibaji asenok asoshi teimla tulutibaji lir. Amen