Koya Putu

Yimsüsür : Hai, Alokba, tanü putu ya Koya Putu-a ta jembiba ya kechiba aka?
Alokba : Tain nisungi Koya Putu memetet na? Ni tatsü agi shidi :
1. Metsü dak tanang mali kümogo.
2. Raja mersü chitepba agi tokteper tesa.
3. Kerosene totzü dak mi mejangrur.
4. Arogo telung nung audit magitetter.
5. Tetsürtemi tamang nung scü kozür ama pei chir sozüka yutsür oadoker.
6. Teburi kinüngtsü dang nungi pei jala-ang tali temeimba.
7. Auyartem yimdong sünga nemadanga pakzüteper.
8. Mangsapuri kenyongi maker.
9. Koyai asenok tetsüng nung meteper.
10. Metetsümonga per süpoki aitdi asür.
11. Tashirtemi pei tajangzük atema dang khüm-küma nokdaker.
12. Jabasotemi pei tetsü süoshi agir.
13. Sorkar seni nija ki-ang tama renemer, Pastortem jar meshitettsür. Iba dangji “KOYA PUTU” ta majatsü no? Aser idakji nenoka koba nung dena lir (?)
Yimsüsür : Oh!!! Alokba!!!!!!
                                                                                          Lilir : Kilang Ajem, Indisen, Dimapur.