KP Sharma Oli Nepal Ato Kilonser akümer

Kathmandu, Tsüklai 15 (Agencies): Communist Party of Nepal, Unified Marxist-Leninist (UML) mendenpuba, KP Sharma Oli nem lenmang lapoktsütsü mechi Nepal Ato Kilonser Sher Bahadur Deuba-i Yangtepnü menden toktsüogo. Iba ajanga Oli ya Nepal indang Ato Kilonser 41buba akümer aser iba mapa inyaktsü asoshi Yangtepnü nikongdang 4:00 ako nung tezüngzüktep agi.
Nepal nunger linük temzüng Article 76(2) nung, party katia majority mongutetra ato kilonser menden nung amentsü asoshi Tir-i House of Representative nungi züngsem ka shimtettsü, saka pa/la House nung party ana mesüra tali nungi busemer asütsüla.
UML mendenpuba Oli ya züngsem 275 aliba House nung UML aser CPN-MC teloki yarir. Iba telok ana indang alliance nungi House nung menden 174 agia lir aser parnok rongnung UML nungi züngsem 121 aser CPN-MC nungi züngsem 53 lir.
Oli ya Nepal Ato Kilonser kümsük anapuba inyaker asütsü.
Deuba-i Ato Kilonser ka ama pa indang kümsük takok nung tembangogo, ta ashi.
Oli ya Ato Kilonser shimtsü asoshi House nung züngsem timbai busemer, ta sayutsü mechi left alliance nung züngsemtemi Nepali Tir, Bhandari ajuru.
Nepalese Army temi ayongzükba sentong ka nung Ato Kilonser Deuba adentsü aliba ajanga Rasemnü cabinet senden ka mangmangtepa tembang.
Taoba küm Pushpa Kamal Dahal menden nungi aluba ajanga Ato Kilonser Deuba-i iba menden ya melena liasü.