KPC ajanga KPC-NBOCWWB Media Fellowship atema nübu shimogo

Dimapur, Luroi/August 29 (TYO): Kohima Press Club (KPC) ajanga 4 buba Kohima Press Club and Nagaland Building & Other Construction Workers Welfare Board (KPC-NBOCWWB) Media Fellowship for Journalists 2025 asoshi Fellows shimba tenüngtem sangdongogo.

Parnokji The Morung Express (Kohima) nungi Chizokho Vero, Nagaland Tribune (Noklak) nungi Shongmo B aser The Morung Express (Mokokchung) nungi Yarden Jamir alitsü.

Iba fellowship program nung shilem ka ama KPC-NBOCWWB Fellows temi Nagaland nung kisü-jensüba industry nung ajangshiba aser timtem ajurubatem otsü tarok zülua September 5 nungi November 15, 2025 tashinung adoktsü.

KPC ajanga NBOCWWB den lungjemer shimteta aliba fellows atema orientation workshop ka September 1, 2025 nü Kohima Press Club office, APO Building, Phoolbari, Kohima nung alitsü.

Iba sentong nung shimteta aliba fellows den KPC züngsem ajak arua adentsü KPC sangdong ajanga ayongzüka liasü.