KPC annual get-together-cum-picnic agi

Dimapur, December 16 (TYO) : December 16, 2015 nü Dzüü ayongküm nung Kohima Press Club (KPC) pur get-together-cum-picnic agi.
Iba sentong nung züngsem 36 den temeimertem aden aser lokti mechiyungdang sentong tatsüka agi.
Iba sentong nung KPC tir, Xavier Rutsa-i züngsem ajak dang küm piyong yaritepa aruba atema pelaba metetdaktsü.
Paisa KPC meimertem aser nungita yarirtem aser talisa iba sentong asoshi tenla agütsürtem dang pelaba metetdaktsü.
Sentong nung KPC magazine committee convener Vishü Rita Krocha-i January 20 nü sayatsü aliba KPC magazine indang osang metetdaktsü.
KPC tenteter küm 15 ajungba nüngtem nung iba magazine adoker anungji züngsem ajaki pei temetettsü aser noksatem agüjang ta Krocha-isa ashi.
Tanü raffle ka asayaba nung Khietole-i mezüngbuba jenjang, Ketu Viluo aser Xavier Rutsa nati tanabuba jenjang, aser H Chishi-i tasembuba jenjang takok angu. Sentong tetenzük nung KPC joint secretary, Ng Solomon Sha-i temoatsü meshia sarasadem.