KPC, DPC aser Nagaland Page-i mangyimer

Dimapur, April 05 (Agencies): Eastern Mirror Kohima Bureau nung inyaker, Roko Thakro mapang tatsüka shiranga arur anojungi Hombarnü Kohima nung asüba atema Kohima Press Club (KPC) aoksar aser jashir, ta KPC General Secretary, Alice Yhoshü-i tanü sangdong ka nung metetdaktsü.
KPC-i mangyimer kibong den asüko lemsateper aser asür nema tatem maka anisüngzük agüjang ta Tsüngrem dang sarasademtsür, ta sangdong ajangasa ashi.
Ano tanga sangdong ka nung Dimapur Press Club (DPC)-i, Kohima nung amenoka aliba Eastern Mirror staff, Roko Thakro asüba osang angashia mangyimer, ta metetdaktsü.
DPC-i asür kibong züngsemtem den mangyim lemsateper aser asür nem tatem maka tesünep agüjang ta sarasademtsür, ta DPC-isa metetdaktsü.
Maneni Nagaland Page-ia sangdong ka ajanga, Easteren Mirror staff, Roko Thakro asüba atema amngyimer aser asür kibong züngsemtem den asko lemsateper iba den kükemi iba ama mangyim mapang ka nung Tsüngremi parnok nem tesüneptsüba tanela agüjang ta sarasademtsür, ta metetdaktsü.