KPC-i Kohima Orphanage & Destitute Home semdang

Dimapur, August 15 (TYO) : Honibarnü Kohima Press Club (KPC)-i Independence Day tenüng nung Kohima Orphanage & Destitute Home semdang.
KPC züngsemtemi KODH nung alirtem den ajurutepa sensaksem aser parnok nem jangotsü, aosu, sapon, süoshi aser stationery items aika bener oa agütsü.
KODH nung tang tanur 82 lir aser parnok rongnung asem dak alaka tanüngba ajakji kaketshirtem lir.
Tanü sentong nung KODH acha-ayanger, Neibanuo Angami-i KPC pur dang pelaba metetdaktsü.
2015 ya KODH atema temoatsü küm ka lir aser küm 45 nung taküm mezüngbuba atema HSLC tatidang nung tanur 5-i takok angu, ta Neibanuo-isa ashi.
Laisa ashiba agi, KODH nungi tanur ka tawa tu Forestry züngtemogo aser ka tang Masters degree tezüngdak lir.
Sentong nung KPC tir, Xavier Rutsa-i telok den nung o jembi aser pai tanurtem dang nendaka azüngtsü ayongzük.
Sentong nungsa KPC tatong tir Ketusielie Viluo aser züngsem Vincent Belho natia o tatsütsü jembi.
Iba sentong nung yariteper züngsem ajak dang kanga pelar ta KPC executive team-i sangdong ka nung metetdaktsü.