KPC-i membership atema metetdaktsür

Dimapur, June 27 (TYO) : Kohima Press Club (KPC)-i sangdong ka nung June 30, 2016 tashi dang annual membership drive agitsü ta metetdaktsü.
Iba anogo süir aruba membership renew masütsü aser tenüng tasentem magizüktsü, ta KPC General Secretary, Alice Yhoshü-i sangdong ka nung metetdaktsü.
Lokti senden nung lemtetba ama, iba mapang tsüngda renew mesüra register masüba nisungtem KPC indang maparen nungbo shilem agidaktsütsü saka club identity cards magütsütsü, ta Alice Yhoshü-isa sangdong nung shia lir.