KPC-i Mokokchung semdangtsü

Kohima, February 18 (TYO): Kohima Press Club (KPC) inyakyim dak keta aliba ama, state nung aliba Press Club tem ajak den ajurutepba tesendaktep tali tashi itshishitsü asoshi parnoki February 26 aser 27 anogotem nung Mokokchung jila semdanga Mokokchung Press Club den ajurutepa sensaksem akatsü, ta KPC nung Tongti Tezülur, Alice Yhoshu-i sangdong ka ajanga metetdaktsüogo.
KPC züngsem ajaki iba tour nung shilem agitsü asoshi mepishia metetdaktsür, aser gari o tanendak anepalutsü melatsü atema taruner ajaki February 23 tashi nung KPC executive züngsem mashi ka nem pei tenüng agüjang, ta Alice Yhoshu-i kasa sangdong ajanga metetdaktsü.