KPC-i P Ganguly asüba mangyimer

Dimapur, August 29 (TYO): Taoba mapang Kohima Press Club (KPC) tatong Tir, Vibou tebu, P Ganguly August 29, 2017 nü alima nungi pilaba osang angazüka Kohima Press Club (KPC)-i mangyimer, ta KPC General Secretary, Alice Yhoshü-i tanü sangdong ka nung metetdaktsü.
Asür, P Ganguly ya kanga shisa taka teintet senso ka liasü aser lokti ajungtsü atema bilemba nisung ka liasü, ta KPC-isa metetdaktsü.
Ganguly-i central aser state police department nung tenzüka aruogo aser sorkar mapa nungi anisüngzükba sülen pai Nagaland nung osangkakettem atema ocet balala zülua aruogo.
KPC-i mangyimer kibong den mangyim lemsateper aser iba ama tako mapang nung Tsüngremi mangyimer kibong nem tesünep agüjang ta sarasademtsür, ta sangdong nungsa shia lir.