KPC-i workshop ka ayonger

Dimapur, Tsüklai/February 20 (TYO): “Pollution: A cause of concern” omen nung ajemdaker Kohima Press Club-i, Nagaland Pollution Control Board den longjemer February 22 nü nikongtsütsü 4:00 ako nungi tenzüka Eastgate Hotel nung workshop ka aongzüka agitsü.
Iba sentong nung Nagaland Pollution Control Board member Secretary, Kenei Miachieo shisalen agütsür asütsü.
Workshop tembangba sülen sensaksemba mapang alitsü kong osangbenertemi tzü mopung menenba dak sendakba nung onük balala ashishitettsü. Iba workshop ajanga tzü mopung menenba dak sendakba nung osangbenertem nem sisatsü aser tangazükba aika agütsütsü. Sensaksem sentong tembangba sülen chi chiyongba mapang alitsü.
Club züngsemtem ajak aser ano mezüngoksemi aliba züngsemtem ajak iba sentong nung aru shilem agitsü mepeshia metetdaktsür. DIPR nungi züngsemtema iba workshop nung arua shilem agitsü mepeshir, ta KPC Gen. Secy-i sangdong ka ajanga metetdaktsü.