KPC lokti senden amen

Dimapur, June 17 (TYO) : June 17, 2016 nü Kohima Press Club (KPC) lokti senden ka ayongzüka amen aser iba mapang audit committee-i benokba audit report agizüka ayu, ta KPC General Secretary, Alice Yhoshu-i sangdong ka nung metetdaktsü.
Senden nungsa KPC executive council-i züngsemtem dang 2016-17 atema membership renewal aser registrations tasenji June 30 tashi nung agitsü, ta metetdaktsü.
Tanü lokti senden nung adenertemi registration atema tatembangba anogoji June 30 sülenbo mapang mapuloktsütsü aser iba anogo matongdang register/renew masürtem nem KPC ID cards magütsütsü ta telemtetba agi.
Senden nungsa KPC Conference Hall nung press conference linürtemi taa agüja amshitsü atema telemtetba agi aser ibaji anogo ka piyong atema sen 2000 aser anogo tesadang atema sen 1000 taa agitsü lemtet, ta Alice Yhoshu-isa sangdong nung metetdaktsü.