KPU-i Nov 20 nungi tesashiba lungkak aittsü

Kohima, November 1 (TYO): Kandi Public Union (KPU)-i ghonda 42 atema National Highway-2 mokdangba nung timtem kecha melii dang agiogo.
Yashinep 6:00 ako nungi lenmang mokdangtsü tenzük aser taonung tashi nung mepetmesü adokba kecha mali aser senzüsenbongertema maliasü, ta police ketdangser kati ashi.
Tseminyu sub-division kübok RD Block Chunlikha atema BDO office meyangluba anema parnoki iba lungkak aitba sentong ayonga agir, ta KPU President John Kath-i osangbener dang ashi.
Iba mokdangba sentong ya taonung ayaterm nung tembangtsü saka state sorkari iba onük atema ola madokra, November 20 nungi lungkak aitba shilem tanabuba tenzüktsü aser ibaji tesashiba asütsü, ta paisa shisem.
Tanü KPU Publicity Cell-i sangdong ka agütsüba nung November 20 nungibo NH-2 ajunga mokdangtsü ta shia lir.