KPU-i Oct 31 nungi Nov 31 tashi National Highway-2 mokdangtsü

Dimapur, October 27 (TYO): State sorkari telangzüba magütsüba anema tamalen lemteta aliba ama Kandi Public Union (KPU)-i October 31 anepdang 6:00 ako nungi November 1, 2017 ayaterm tashi National Highway-2 mokdangtsü, ta tanü Kandi Public Union Publicity & Information Secretary, Khiyalo Kez-i sangdong ka ajanga metetdaktsü.
“RD Block Chunlikha kübok BDO Office yanglutsü atema 2012 küm February 29 nü lung azünga liasü, ajisüaka tanü tashi iba office meyanglur, aser state sorkari iba takhangba atema meinyakba anema KPU-i tang mezüngbuba shilem longkak aittsü,” ta KPU-i sangdong nungsa shia lir.
National Highway-2 khenyongi mokdangaka Paramilitary, Police, Magistrate on duty, Ambulance, kiyimba Party aser Press nisungtembo iba talenba küboki maittsü, ta sangdong nungsa shia lir.