Kristen Stewart-i Golden Eye Award angu

Mongputeni/October 04, 2019 (Agencies): Tang tagidak aliba Zurich Film Festival 2019 sentong nung Kristen Stewart indang film ‘Seberg’ sayatsü atema la aruagi dena liasü, ta osang ajanga metetdaktsü.
Kristen, shibai taruba film ‘Underwater’ film nung shilem agiba angutsü, lai iba film nung shilem tajung agiba ajitetta, iba sentong nung la nem Golden Eye Award agüja liasü.
Iba film nung Kristen ya tzüyim telung nung amenoka aliba laboratory ka nung lai lasa la taküm kümzüktsü merangba indang sayur.
Toronto International Film Festival (TIFF) sentong nunga ‘Underwater’ film sayaba mapang Kristen aruagi dena liasü aser iba sentong osangbener den jembiba mapang lai la taoba tetong Robert Pattinson Batman role atema shimba indang metetdakja liasü.
Interview ka agiba mapang, Kristen-i ashiba agi, Robert nem Batman role lemzüktsüba asoshi ni kanga pelaseter. Iba denji küelmi Robert-i Batman suit semoker film nung shilem agiba reprangtsü asoshi yongyaseter, ta Kristen-isa ashi.
‘Seberg’ nung tongti shilem agila Kristen-i ashiba agi, Robert jaksübangsü tajung aser tasütait Bruce Wayne role atema pa tetemjem actor ka asütsü.