Kristen Stewart-i Lizzie Borden taküm otsü film nung shilem agitsü

October 30, 2015: 1892 küm Lizzie Borden-i la tebu aser rabir tetsü na tepset ta la nem tai tonglokja liasü, aser la taküm otsü film nung actress Kristen Stewart aser Chloe Sevigny nati shilem agitsü akok.

Sevigny-i Borden shilem agitsü aser Stewart-i Borden’er kibong den külemi alir kilitsür Bridget Sullivan shilem agitsü. Nisung tepsetba tatalokba mapang nungji Sulluvan-a kidangji liasü südi.

Nisung tepsetba ken o akaba mapang Sullivan-i kuli agütsüba nung ajemdaker Borden-i aibelena mali ta obendang agüja chioker, ta hollywoodreporter.com osang ajanga ashi.

Iba tatalokba ajanga ajungmesoa tanurtem rhymes nung ‘Ta-ra-ra Boom-de-ay’ ken atener.

Iba ken o ajanga kinüngtsü aser kinüngbu naji shibai tepset, aser kechi kuli ajanga tepset, ta theory aika lir. Theory rongnung ka ajangabo, Borden aser Sullivan naji nüknürar liasü, ta ashir.

Psychological thriller film ya Pieter Van Hees-i direct asütsü aser iba film ya 2017 küm sayatsü.