Kronu-i DG (BRO) Shrivastava dang NH 29 yanglutsü ashi

Dimapur, September 1 (TYO): September 1, 2017 nü Environment, Forest & Climate Change, Minister Neiba Kronu-i New Delhi nung Director General, BRO (Border Roads Organization) Lt. Gen. S.K.Shrivastava den ajurutep.
Iba mapang Kronu-i Shrivastava den National Highway-29 (taoba mapang National Highway-150 ta ajaba) kanga mejungi lir anungji tekaratiba nung iba lenmang yangluba mapa tenzüktsüla ta ashi.
Iba lenmang ya Kohima, Zunheboto, Phek, Kiphire district tem den Manipur State sendakteper aser kanga dang tongtipang lenmang lir, ta Kronu-isa shisem.
Yaküm-a Kronu-i mepishiba nung ajemdaker DG BRO S. Sharma-i Nagaland nung gari lenmangtem reprangdangtsü atema arua liasü.
Iba mapang lenmang yanglutsü tenangzükbatembo agi saka mapatem ano metenzük lir. Iba atema tanü Kronu-i Shrivastava dang tekaratiba nung mapa tenzüktsü nenshia metetdaktsü.