KROS College, Kohima-i career guidance seminar agi

KROS College, Kohima nung Career Guidance Seminar agiba sülen shisalen sayurtem, Vice Principal, Hinoca Assumi aser kaketshirtem tangokba noksa nung angur.

Kohima, July 29 (TYO): Department of Political Science KROS College, Kohima-i Alumni Association den senteper college campus nung tawa Career Guidance Seminar ka ayongzüka agiogo.
Iba sentong nung shisalen sayurtemji T. Dili Khekho, Entrepreneur & Proprietor D Cafe Restaurant aser Kevethito Rose, Extra Assistant Commissioner (NCS) na liasü.
T. Dili Khekho-i pai tilaka nungi pa maparen tenzükba indang lemsatep aser kaketshirtem dang parnoki shimba taküm lenmang nung tejangraba tulu nung inyaktsüla, ibaji ajanga dang nükjidong ataloktsü aser taküm nung takok angutsü, ta ashi.
Paisa, shishilem,baba maparen tenzüktsü atema tongti tebialemtsüji sen masütsüa akok, ajisüaka pei tejangraba aser shisatsü nung ajemdaker maparen tenzüktsüla, ta ashi.
Kevethito Rose-isa kaketshirtem dang tetoktepba exams balala nung takok angutsü atema kanga nendaka inyaktsü, taremzükba alitsü aser temelungtetba yur inyaktsü ajungshi.
Paisa, taküm nung takok angutsü atema kanga meranga inyaktsüba dak alaka tanga lenmangbo mali, ta ashi.