KSA puri CM Okram Ibobi Singh noksa arung

Imphal, March 02 : Taila kahtepa ken o nung, 2009 küm July 23 nü  Ch Sanjit aser Rabina na kahsetba densema temeten meshia Kangleipak Students’ Association (KSA)-i Imphal nung Congress Bhavan kima khanga nokdakba mapang Manipur Police-i nokdangba noksa nung angur. 

Imphal, March 02 (Agencies): Kangleipak Students Association nung züngsemtemi Brehostibarnü Manipur nung taila kahtepba nung nisung tepsetba atema temeten khanga Manipur Chief Minister, Okram Ibobi Singh, Addl SP AK Jaljit aser ex DGP Y Joykumark nunger noksa rongdoktsü.
Kangleipak Students Association (KSA)-i Manipur nungi Afspa agientsü asoshi, aser taila kahtepbatem rongnung 2009 küm July 23 nü tanur bener aliba tetsür ka kahsetba, aser taoba mapang PLA telungpur züngsem aliba ka kahsetba atema temeten meshia akhang.
Maneni association-i yimten yimsüsüba lokti balala dang parnok tashii aru nungbo yamala taila kahtepba malitsü ta tenangzükba ka agütsütsü asoshi akhang.
Bodhbarnü kasa association nungi kaketshir züngsem kari BJP lenirtem den senden ka akatsü asoshi memolungba atema jashir Imphal tiyong nung aliba Bharatiya Janata Party (BJP) state unit office raksatsü.
KSA nungi züngsem kari tamasa BJP office kishi nung senteper BJP lenirtem den ajuruteptsü asoshi akhang, saka lenir shinga mali ta parnok dang ashiba sülen, parnoki office nung aliba menden, kichiba ainatem raksatsü, ta BJP osang ka ajanga ashi.
Kaketshirtemi iba tesem yimyim balala ayima doktsür ao, aser iba sülen BJP nung züngsemtemi police aja.
Iba ya matalok tsüngda KSA züngsemtemi Congress Bhavan amaktsü asoshi ao, saka Congress party nung tetsür ketdangpurtemi kaketshirtem den jembishinüa iba tensa azüok. Iba dak sendakba nung bushisüngdangdar, saka tang tashi nung shinga pua mali, ta police-i ashi.