KTC Cup: Khriekesa FC-i Addax madak takok angu

 KTC mezüngbuba semi-final Khriekesa FC aser Addax FC na tsüngda asaya metenzük tsüngda match patron aser sentong ayongertem den noksa tangkoba yangi angur.

 

Kohima, September 6 (TYO): Khriekesa Football Club Meriema puri tanü semifinal asaya koka Kohima Town Club (KTC) Cup final tongtetogo.

Tanü asaya nung Khriekesa puri Addax FC goal asem agikokogo. Iba asaya parnoki amokbanger asayaa liasü.

Asaya nung mezügnbuba goal Nyithong Magh-i minute 11buba nung free kick ka ajanga agütsü aser iba sülen goal kata magütsüi asaya mezüngbuba shilem tembang. Asaya tanabuba shilem nung minute 69buba nung Yhunshalo Kemp penalty ajanga tanabuba goal agütsü aser iba sülen minute 79 buba nung Kekhriengulie Usou-i tasembuba goal agüja Khriekesa puri iba asaya akok.

Addax FC nungi asayar Khriekethozo aser Khriekesa FC nungi asayar Kekhriese Ciesotsu na nem minute 51 aser 54buba nung yellow card kaka agütsü.

Iba asaya nung Entrepreneur Thepfuhulie Belho tetushi tesemdanger asü.

September 7nü asaya yamai alitsü:

New Market FC vs Nagabazar FC @ 2:00 PM

Maneni Kohima Town Club (KTC) puri September 7nü asaya tembangba sülen Kohima local ground Rostrum nung lepa reprangshiba senden ka akatsü asoshi metetdaktsüogo. Iba senden nung KFL 2017 aser KTC Cup 2017 nung shilem agiba telok ti pronglai shilem agitsü.

Club ajak nungi tir, tongtizülur, Team Manager , Team coach aser Media Officer ajak iba senden nung arua adentsü asoshi metetdaktsü.

KTC puri September 9nü tatembangbuba sentong aser iba sülen benjung dak sendakba nung temetettsütem club nem metetdaktsütsü, ta sangdongogo.