KTC Cup: New Market pur final tongtetogo

Kohima, September 7 (Agencies): Tang tasayadak Kohima Town Club (KTC) Cup semifinal tanabuba asaya nung New Market Football Club pur atema Keyidwasaplung-i goal ka agüja parnok final tongtetogo.

Tanü asaya nung New Market FC aser Nagabazar FC na kanga toktepa asayar mapang minute 30 apuloktsür asayaba mapang nung goal ka agüja New Market FC puri akok. Asaya minute 90 asayaba nung telok katidanga goal kata magütsütetba ajanga mapang talila asayatsüsa aküm.

Asaya nung Keyidwasaplung-i minute 102 buba nung free kick ka ajanga goal idakja liasü.

Ajisüaka takok asaa asayaba mapang nung New Market nungi asayar- Stephen Rutsa nem minute 64buba , Cheneibemo Tungoe nem minute 70buba aser Lhiwete Koza nem minute 120 buba nung yellow card kaka agütsü. Maneni Nagabazar FC nungi asayar Koratu Jourey nema minute 108buba nung yellow card ka agütsü.

Kohima Deputy Commissioner Rajesh Soundararajan iba asaya tetushi tesemdanger asü.

Iba takok ajanga New Market FC pur Khriekesa FC den September 9nü 1:30 nung final asayatsü asoshi jangjaogo. PWD (Roads and Bridges) minister Dr. Neikiesalie Nicky Kire iba asayamung tatembangbuba sentong nung tetushi tesemdanger asütsü.