Kü dang nungia Shaan ola tajungba:Sonu Nigam

November 20, 2015: ‘Baa Baa Black Sheep’ film atema kentener Shaan’er telok, Superbia tenüng nung ken ka tentsüsang aser Bollywood nung kentener Sonu Nigam-i pa dang nungia Shaan ola tajungba amai bilemer.

“Baa Baa Black Sheep film atema parnoki mejemba ken ka nung kü dang nungia ola tajungba, Shaan den külemi ken atenba asoshi kü sasa kanga nüma tanga bilemer,” ta Nigam-i twitter ajanga Hokolbarnü lemsatep.

Shaan aser Nigam naprongla India music industry nung joko küm aika shilem agia arur. Tenati kensü ola tajung aser nüknürar ken atenba ajanga kanga nüngtugu aküm.

Baa Baa Black Sheep film ya Vishwaas Paandya-i direct asü. Iba film nung Manish Paul, Anupam Kher aser Annu Kapoor nungeri shilem agia lir.