Kü Den Liang

Asenoki tekülem nung kanga sapua atenba “Kü Den Liang” ken ya Henry Francis Lyte-i zülu. Pa June 1, 1793 nü aso aser November 20, 1847 nü tb tashitak ajanga asü. Pa ya England southwest tzüyimkümlen aliba angopur yimtsüng, Brixham Arogo nung putir ka ama pa arishi tesadang ka shi (24) inyaka liasü.
Pa lanuwa nungi tenzüka arishi tepiyong tekülem sangro aser tekülem ken aika mejemogo aser pa arishi tatembang kati aruba mapang pai “Kü Den Liang” ken züluba ajanga pa kanga nüngtugu aküm.
Pa asütsü hopta ishika lia pai Brixham nung tatemsabuba sayutsüngi aser iba nikongdangji pa khen anisüngzükba sülen tzüyimkümlen jaja, aser iba aonungji pai “Kü Den Liang” ken zülutsü tenzük.
Iba nikongdang pa tzüyimküm nung jajaba mapang pa asütsü, ta pa melungjangi aru südi ta bilemer.
Iba ken ajanga asenok den tasüba indang dang masü saka taküm indanga jembir. Iba ken ajanga taküm aliba mapang aser asüba mapang naprongla nung Tsüngrem asen den dena aliba indang jembir.