Kü indang Production Banner ajanga ni yarir : Salman Khan

Mumbai, October 31 (Agencies) : Salman Khan-i pa indang production banner ajanga independent movies aser filmmakers pusema nungittsü saka tang atemabo pa atema dang inyakdar, ta metetdaktsü.
2014 küm Salman-i ‘Salman Khan Films’ ta ser pa indang production banner ka tenzük aser iba “Dr. Cabbie” co-produce asü. Paisa Bajrangi Bhaijaan aser Hero film tem pusema nungit aser tang Tubelight atema director Kabir Khan den yariteper.
Tanga independent filmmakers yaritsü mulunga ali asü mali ta osangbenertemi asüngdangdang “Ni tangbo ni dang yarir aser Chillar Party ama tanga saklokra, ni iba film ji bedanga agitsü mulunga lir” ta Salman-i langzü.
“Train ji jungerbangla, ni train toudak nunga idakji tua amentsü” ta paisa shisem.
Taküm Sultan film takok ngua sayaba sülen Salman-i TV sentong ‘Bigg Boss 10’ nung shilem agir. Iba sentong ya Colors channel nung sayur.