Kü sasa ni ‘screen’ nung mereprangner: Johnny Depp

November 10, 2015: Hollywood film actor Johnny Depp-i, pai shilem agia aliba film screen nung mereprangner.
“Kü sasa ni screen nung mereprangner. Ni aji magizükteter,” ta sentong ka akaba mapang Depp-i femalefirst.co.uk osangbenertem dang ashi.
Ni tanur asüdang shilem agitsü asoshi tendangba mapang (audition) kodanga junga shilem magitet, ta pai ashi.
“Ni tekolok mait tanur ka liasü. Shilem agitsü asoshi tetendangba agiba ya kangbo nüngdak mali amai ni bilem. Ajisüaka ni kanga junga shilem agitsü merang. Oda mapa ajak aseni aginüba amaibo mangutsü,” ta paisa ashi.
Depp-i, film nung shilem agidang o dak temulung agütsüba dak alia tanga nung temulung magütsür, ta ashi.