Kü tebilemba ibai asen Long aser Jenjang

– Imnaonen Lkr, Chumukedima.

Mosai Israel dang ashiba küm lirbuba ita terka buba mezüng anogo nung jembi. Tazüngkunem 1 tekong 28 – Asenok koleni aor?
Yangji yimtiji atsü atsüpanger Nisungtemjia aso talang ANAKIM chirtem angu. Lenir Mosai ashi, taoksa aser tetsübu, Kibuba Tsüngrem shibai IJIB nung nenoki ngua inyakba mapa amato pai nenok asoshi raratsü. Nenoki ya metetang, pai tebui pei chir ponger jajaba ama küm lir 40 tashi nenok ponger aruogo. Saka nenoki kibuba dak mamang. Ano nenok talitak bushia aotsü atema aonung mi tongshi aser anüngdang mepeti nenok jakdang ani. Yamaji anepaluaka nenoki kibuba dang mangai Pa jashitaktsü. Anungji pai azüngashia ashir, iba kin tamajung nisungtem parnok katia par tsürabur nem agütsüba limaji metongdaktsütsü saka, aji Jafunni jabaso Kaleb dak alema mangutsü. Mosai ashi, idakji jia ni ashiba o nenoki manga nia jashidaktsü. Tangbo nenok meji kibubai kü dang ain adoka ashi. Naa ajaki maitsü. Nan jabaso Yihusüa shiba nü madang nokdaka ali pang aitsü. Tashi manger tsüngdang asen kibubaji matsüshiba Tsüngrem ta metetdi. Ibri 11. mosa tain kümer pai Farao jala chir akümtsü menangzük. Mosai langzü temenen nung lia pelaba dang nungi Tsüngrem purtem den timtim tsüang shimdi. Aser Ijib rongsen ajak dang nungi Khrista meyong tatalabajiang rongsen dang taoba ta züngshi.
Tamang agi parnoki temerem tzüim ali takong ama jaja ao.
Tamang agi anogo tenet Yiriko long tsüki meket nung lao.
Tamang agi parnoki yimtitem akok.
Temeshi mapa inyak, tenangzükba angu.
Molusungzü tebang nembang.
Mi tashi remsep nokpu nungi jenbu.
Tasü mait nungi tasü itta aküm.
Tongpang nung tasü itta tsükchir akok.
Tangari tatala den, lisu agi arep. Idakji jia talenba aser tsüngden chiok dak ayu.
Long agi onset, aser sungrangtsü agi rangset. Sensaker aser reshikangshir küma, Nabong aser san küb semer jaja.
Pei lima pei asoshi tetemsü masü aküm.
Arem aser leprongki nung aser ali ongkenki nung nemzüa senzü. Saka asen reshikangshirtem tu asen medeni parnok teperiba maküm.
Temeimbatem suia aruba küm terka tsüngta wabong tajung jenti tapuri pua yuogo, iba den NOK NÜ ajak tena, kechiba nokinketer tajung Nagaland sungküm anükertem tu küm aika atsü nung shipanga ayurji, timtimerji kenken tango satokdi ta adokdang atsü ajang majakang sang sua akaba nung ajak shiogo. Aseni ayatai ken atener. Shiba dak atongtsü to, iba den asen yimdenbo rami ramia akümer ama, saka küm ka ana tsüngda yimden masü saru saruba nungang telok telok arpang atsütepa tang angashir.
Rom 13. Rom nunger dangi Paul shiti
Saka ain adokba tetsübu nungi masü, saka nenok mulongsentsü atema nenoki pangdak kübok liang. Kechiyong ya asoshi alimelen agütsür. Shiba dang aküm tsübutsü tim parnok nem taa agujang. Ano yamai ashir shiri aji anema nokdaker parnok peisasa o bendangba angutsü. Yimsüsür mapa tajung asoshi tetsübu maka. Saka mapa tamajung asoshi tetsübutsü lir.
Tenyartem mapa pungu 5:36-37
Kechiyong akedang TUDA-i pa sasa tulu shisanga apuso aser pa den nisung yongsuk noklang pezü shi aden. Saka pa tepset. Aser pa sülen anishir ajak perokshi aser kecha maküm. Iba sülen tenüng züluba tensa nung Galil nunger ka tenüng agi Yihuda apuso pa sülen kar mesüa ao. Paa sama aser pa sülen anishir ajak perokshia senshi.
Otsü ka agi tempanger :
Tsükmenatsü lu ayimer kati alima tuluba mekazüka atsü junga atsü, aser tsükmenatsü zü aika atem, küm aika pai iba lu atema temulong kanga aguja tanitebelem arema sungdong tazüng shia ali tulokja mesu, küm aika sülen tepen aponger kiburji kanga pelar aser atsütu yanglushir shiruru arur asü marur, kümdanga repranger, ano küm suitemer aser tepen aponger ano pelar yamaji küm aika suiaka tejang matang, pai repranga aor sungdong kar araa toker kar mesen iadoker yamaji yariaka kibur nem tajangzük magütsür, kanga dang jashia iba luji shiruru amongdak tesem kang aküm.
Abraham Tsüngrem, Isak Tsüngrem, Yakob Tsüngrem, Aseni Tsüngrem sendoker rongsen tsütsüang asen ajaki temulong agutsüogo, asenoki ka dak mesüra ka dak züp ta ametang ajungtsü. Naia koma bilemer, nibo party party masü saka asen ajaki India moajang ta sarasadem nung ajungtsü südi, Amen.

You must be logged in to post a comment Login