KÜ TEBILEMBA IBAI ASEN LONG ASER JENJANG

 ~  Imnaonen LKR, Chumukedima

Mosai Israel dang ashiba küm lirbuba ita terka buba mezüng anogo nung jembi. Tazüngkunem 1 tekong 28 – Asenok koleni aor?

Yangji yimdiji atsü atsüpanger Nisungtemjia aso talang ANAKIM chirtem angu. Lenir Mosai ashi, taoksa aser tetsübu, kibuba Tsüngrem shibai IJIB nung nenoki ngua inyakba mapa amatu pai nenok asoshi raratsü. Nenoki ya metetang pai teboi pei chir pongar jajaba ama küm lir 40 tashi nenok ponger aruogo. Saka nenoki kibuba dak mamang. Ano nenok talidak bushia aotsü atema aonung mi tongshi aser anüngdang mepeti nenok jakdang ani. Yamaji anepaluaka nenoki kibuba dang mangai pa jashidaktsü. Anungji pai azüngashia ashir, iba kin tamajung nisungtem parnok katia par tsürabur nem agütsüba limaji metongdaktsütsü saka, aji jafunni jabaso Kaleb dak alema mangutsü. Mosai ashi, idakji jia ni ashiba a nenoki manga nia jashidaktsü. Tangbo nenok meji kibubai kü tang ain adoka ashi. Naa ajaki maitsü. Nan jabaso Yihusua shiba nü madang nokdaka ali pang aitsü. Tashi mangar tsüngdang asen kibubaji matsüshiba Tsüngrem ta metetdi. Ibri 11. Mosa tain kumer pai Farao jala chir akümtsü menangzük. Mosai langzü temenen nung lia pelaba dang nungi Tsüngrem purtem den timtem  tsüang shimdi. Aser Ijib rongsen ajakdang nungi Khrista meyong tatalabajiang rongsen dang taoba ta züngshi.

Tamang agi parnoki temerem tzüim ali takong ama jaja ao.

Tamang agi anogo tenet yiriko long tsüki meküt nung lao.

Tamang agi parnoki yimditem akok.

Temeshi mapa inyak, tenangzükba angu.

Molusungzü tebang nembang.

Mi tashi remsep nokpu nungi jenbo.

Tasü mait nungi tasü ita aküm.

Tongpang nung tasü ita tsükchir akok.

Tangari tatala den, lisü agi arep. Idakji jia talenba aser tsüngden chiok dak ayu.

Long agi onset, aser süngrangtsü agi rangset. Sensaker aser reshikangshir küma, Nabong aser san küb semer jaja.

Pei lima pei asoshi tetemsü masü aküm.

Arem aser leprongki nung aser ali ongkenki nung nemzüa senzü. Saka asen reshikangshirtemtu asen metene parnok teperiba maküm.

Temeimbatem süia aruba küm tere ka tsüngta wabong tajung jendi tapori poa yuogo, ibaden NOK NÜ ajak tena, kechiba nokinketer tajung Nagaland süngküm anükertemtu küm aika atsü nung shipanga ayurji oda ashira se tezüng masem timtemerji kenken tango satokti ta adokdang atsü ajang majangla, sang sua akaba nung ajak shiogo. Aseni ayatai ken atener. Shiba dak atongtsü to, iba den asen yimdenbo rami ramia akümer ama, saka küm ka ana tsüngda yimden masü saru saruba nungang telok telok arpang atsütepa tang angashir.

Rom 13. Rom nunger dangi Paul shiti

Saka ain adokba tetsüpu nungi masü, saka nenok mulongsentsü atema nenoki pangdak kübok liang. Kechiyong ya asoshi alimelen agütsür. Shiba dang akümtsübutsü tim parnok nem taa agujang. Ano yamai ashir shiri aji anema nokdaker parnok pei sasa o bendangba angutsü. Yimsusür mapa tajung asoshi tetsübu maka. Saka mapa tamajung asoshi tetsübutsü lir.

Tenyartem mapa pungu 5:36-37

Kechiyong akedang TUDA-i pa sasa tulu shisanga apuso aser pa den nisung yongsük noklang pezü shi aten. Saka pa tepset. Aser pa sülen anishir ajak perokshi aser kecha maküm. Iba sülen tenüng züluba tensa nung Calil nunger ka tenüng agi Yihuda apuso pa sülen kar mesüa ao. Paa sama aser pa sülen anishir ajak perokshia senshi.

Otsü ka agi tepanger.

Tsükmenatsü lu ayimer kati alima tuluba mekazüka atsü junga atsü, aser tsükmenatsü zü aika atem, küm aika pai iba lu atema temulong kanga agüja tani tebilem arema süngdong tazüng shia ali tulokja mesü, küm aika sülen tepen aponger kiburji kanga pelar aser atsütu yanglushir shiruru arur asü marur, kümdanga repranger, ano küm süitemer aser tepen aponger ano pelar yamaji küm aika süiaka tejang matang, pai repranga aor süngdong kar araa toker kar mesen iadoker yamaji yariaka kibur nem tajangzük magütsür, kanga dang jashia iba luji shiruru amongdak tesem kang aküm.

          Abraham Tsüngrem, Isak Tsüngrem, yakub Tsüngrem, Aseni Tsüngrem sendoker rongsen tsütsü ang asen ajaki temulong agütsüogo asenoki kadak mesüra ka dak züb ta ametang ajungtsü. Naia koma bilemer, nibo party party masü saka asen ajaki India moajang India moajang ta sarasatem nung ajungtsü südi, Amen.