Kü Temang

Ni ne nem tenüngsang agütsütsü: kechiyong ni tetsübutsü ka aser tesüngmangtsüka yanglua lir. T. Ken 139:14.
Kü temang sempet asoshi ni Tsüngrem tenüng asanger. Ni ibai akidang nungi tetsü- tebou nungi senmang agia aruba, Adam nungi aruba, tashi mait aser teshisadang maka melamela anishidakja aser lemdaa akümer.  Ano ni temenen tasüba senmanga arur. Aji saka kü temang nung tesüngmangtsü tashi lir.
Ni inyakba kecha makai, kü mulungjang teti mapa inyaker, kü tepokboki teti tangu sashidaktsür, kü tepok nung chiyongtsü menüngsar, aser maneni kü temang merüktettsür (repair).
Saka item yimya sempettem rong nung tulutibaji tajung tamajung metetba sempet ji lir. Kü temang tenük mongzü nük ama techira masütsü akok, kü temang tashi kor tashi ama masütsü akok, mesüra kü lenmang mesü tekara ama asütsü makok, saka item ajak makaba ka kü temang nung lir – temaba tekolok. Angazükba, tebilemtetba, yanglushiba, tesendaktep aser yangluba nung computeri atoksatsüla masü.
Iba temang, kü temang shisa kaa amshiba anema toktsüba, iba tashi itshia ayuba aser item dang taoba teyanglur nem Pa Tanela Temeshi ki asütsü meyipa agütsüba dak alema ni koba nükjidong tuluba ayutsü ?
Kotak nung aliba Obala, Nai kü nem tesüngmangtsü temang sempet agütsüba asoshi Ne tenüng asanger. Ni ibai Na tenzüktsü aser Na sentsüwangshidaktsüba asoshi amshidakjang. Amen.