Kü Temang

Ni Ne tenüngsang agütsütsü; kechiyong ni tetsübutsüka aser tesüngmangtsüka yanglu. T. Ken 139: 14.
Ibai ni aginüba agi masü. Ibai ozü tetsü-tebou,  Adam nungi senmang amanga jakzüka aruba lir. Iba nung tashi mait shirangba, tashidak, yimra manga temenen koba agi tasüba dangi anir ajak dena lir.  Aji saka ibai tesüngmangtsüka lir – ibai kü temang,  ni taküm ali tashi.
Kü temangi tangu sashitsü mebilemer, saka kü mulungjangi pasasa arakzür, kü tepokboki tangu sashir, kü tezüngjangi jana endoker, aser chiyungtsü anüka menüngsar, aser kü temang teti yanglushir. Saka yimya sempettem rongnung tulutiba sempetji tajung-tamajung metetba (reasoning power) sempetji lir. Kü temang tenük mongzü nük ama masütsü akok, kü temang nung tashiji Kor tashi ama masütsü akok, tayimtsü ama ni mekaratsü akok, saka item dang temaba tashi kü temang  nung lir, ibaji  tekolok.  Iba jagi inyakba ama computeria inyaktsü makok.
Ni iba temang shisa kaa amshitsü, anema ayutsü,  tashi tali itta alitsü aser item dang tali shibai ni  yanglu, Pa Tanela talidak südaktsütsüsa agütsütsüba dak alaka,  ni kechi agütsütsü ?