Kü tembar tajung Yisu

~ K. Imliyanger Jamir, Eralibill, Dimapur.

Kü tembar tajung Yisu;
Na kü tesayur aser kü lenir,
Ni khen len mangu ajemzüa senzüdang,
Ne lenmangtem kü dang sayu nung;
Tangbo kü nela sangwa nung jajar.

Kü tembar tajung Yisu;
Künü ni longertsü ajangdang,
Nai ni atsütet,
Ni menen khu benloker alanga alidang;
Nai meso,
Ni kong metsüdak ni memeteti jajadang;
Nai kü dang len tasen sayu,
Kü menen agi kü nela tasür lia;
Ne senti zü agi ni meshitettsü nung,
Tangbo ni anepa lir.

Kü tembar tajung Yisu,
Ne lenmang nung jajartem koda tepela,
Parnok lenmang onsara temesü,
Aikati iba lenmang nung jajaner;
Saka ishikati dang jajarteter.

Kü tembar tajung Yisu;
Khenbo ni tamajunger lenmang nung jaja;
Saka ne meim agi;
Tangbo ni ne lenmang nung jajadagi;
Iba lenmang piyong sangwa dang lir,
Ne meim sangwa kü mulung nung lir,
Teti sangwaba lima nungji;
Künü ni ne jak angutsü aji kü teimla,
Teti tatem makai ne lenmang nung-
Ni aniangma.