Kübu ket nungi shingaia parnok rakzüka moutet (Yohan 10:29)

Ano ya asoshi ni item timatemer. Aji saka ni maaker, kechiyong ni shiba dak amangogo ni Pa metet, aser ni Pa ket nung iba anogo asoshi kechisa nüngdaka yutsü, aji Pai nüka alitsü akok, aji ni jungjunga metet (2 Timoti 1:12). Mapa tamajung ajak nungi Kibubai ni kümzüktsü, aser Pa kotak yimli dangi kümzüktsü (2 Timoti 4:18). Masü item ajak nung, shibai asenok meim Pa ajanga asenok takokertem dang nungia taoba. Kechiyong tasüba süshia, taküm süshia, kotak tenyartem süshia, yimsüsürtem süshia, tang alibatem süshia, tarutsü alibatem süshia, ain aketbatem süshia, tema nung alibatem süshia, telong nung aliba süshia, tangar teyangluba oset süshia, asen Kibuba Khrista Yisu dak aliba Tsüngrem temeim nungi asenok piladaktsütsü makoktsü (Rom 8:36-39). Kechiaser nenok asü, aser nenok taküm Khrista den Tsüngrem nung miima lir (Kol. 3:3).
Kü meimba adianutem, angang, alima nung shirnok sensaker, Tsüngremi parnok dang tamang nung takar akümtsü aser Pa meimertem Pai nangzükba yimli senmang amangtsü meshimtet ama? (Yakob 2:5).
Tang Pa asen Kibuba Yisu Khrista Pa sasa, aser asen Tebu Tsüngrem, shibai asenok dang meim, aser asenok nem taochi ajanga teti tatem makaba tesünep aser teyimla tajung agütsü, Pai nenok temulung sünepjang, aser mapa aser O tajung ajak nung nenok akangdakjang (2 Tesa. 2:16,17).
Kibuba Yisu, Na tanaben maru tashi ni tamang nung akanga alitsü yariang. Amen.