Kuda village, Dimapur nung tasümang ka angu

Dimapur, March 6 (TYO) : March 5, 2016 nü Kuda village, Dimapur nung tasümang ka angu aser iba nisungji Rahul Choudhary ta jangjaogo, ta Addl. Dy Commissioner of Police/PRO, Dimapur-i sangdong ka nung metetdaktsü.
Iba nisungji Tripura nungi liasü ta angazüker aser pa taa agütsüba ki ka kija dang liasü. Pa indang taktang telunglen nungi shibanger sür lia angu, ta Dimapur Police-isa metetdaktsü.
Mangji rangsa reprangtsü atema District Hospital Dimapur nung yua lir aser pa mang agizüktsüpurtemi East Police Station, Dimapur den tongteprateptsü akok, ta sangdong nungsa metetdaktsü.