Kuki telok 22 buba Classic Cup semi-i iogo

Kohima, November 25 (TYO): Peren nung tentetba Kuki United teloki par quarterfinal asaya koka, tang tasayadak 22 buba Classic Cup football asayamong semifinal asayatsü jenjang ajangzüker telok 4 buba tanü, Hokolbar nü kümogo.
Tanü tatembangba quarterfinal asaya nung Kuki teloki goal 3-0 agi Street Hawks’ Football Club (FC) Kohima telok tsükdaktsü.
Tanü asaya tenzüker minute 13 buba nung Thangminlal-i 1 buba goal agüja, par Kuki telok temaba jenjang nung ajungkettsü.
Asaya tanabuba shilem tenzüker minute 8 buba nung Ginkholen-i 2 buba goal agüja, par Kuki telok maneni jenjang tajungba kümdakja asaya.
Atazüktsüba asaya mapang, minute 80 tembangtsü minute 1 anünga alidang Khaigin-i renemtsüba cross ball agizüka, Elminhao-i pa tekolak agi tongokja, 3 buba aser takokba goal agüja, par Kuki telok nem takok ngudaktsü.
Tanü takok anguba sülen Kuki teloki Naga Football Club telok den tan asayamong 2 buba semifinal tan November ita 28 nikongtsütsü 2:00 ako nungi tenzüka asayatsü lemzükogo.