Kuli maliba sen deposits saru 50% agitsü, küm 4 tepoukdak ayutsü

New Delhi, November 25 (Agencies): December 30 tashi nung kuli maliba sen Income Tax department dang sangdonga deposit süra saru shilem 50 agitsü, iba den külemi tepoukdak küm pezü ayutsü, ta osang ka ajanga metetdaktsü.
Ano kuli maliba sen mesangdongi lia Income Tax ketdangsertemi putetra saru shilem 60 agitsü aser tepoukdak mapang talangba ayutsü, ta kasa osang ajanga ashi.
Yasüng tesü Ato kilonser, Narendra Modi menden ser Cabinet senden amendang item telemtetba agia liasü.
Ano tanga osang ka ajanga, “Tang tagidak Parliament senden nung sorkari iba dak sentakba nung Income Tax Act nung ozüngtem benoktsü,” ta ashi.
Window period, November 10 nungi December 30 mapang nung kuli maliba sen bank nung inoktsüba ajak nungi saru agitsü atema sorkari inyaker, ta kasa osang ajanga ashi.
November 28 nü linük tesem ajaklen opposition party temi longkak aittsü, ta sangdongba sülen anogo aika tsüngda yasüng tanabuba Cabinet senden ayonga mena item telemtetba agiogo.